Online speech therapy

child is attending only speech therapy session with his mother

නැවතත් COVID-19 වෛරසය අප රටේ හිස එසවීමත් සමගම පාසල් සහ දිවාසුරැකුම් මධ්‍යස්ථාන වසා තැබීම නිසා දරුවන් නැවත වැඩි වේලාවක් නිවසේ රැදෙනවා. මේ සමග Online speech therapy වල වැදගත්කම මතුවෙනව.

Online speech therapy යනු කුමක්ද?

සරලව හැදින්වුවහොත් අන්තර්ජාලය(Internet) හරහා කථන චිකිත්සකවරයෙකු (Speech therapists) මගින් කථන චිකිත්සාව (Speech therapy) ලබාදීම ලෙස මෙය හැදින්විය හැක.

මෙය Telepractise ලෙසද හදුන්වනවා. බොහෝ රටවල මේ තාක්ෂණය යටතේ සැත්කම් (Surgery) පවා සිදුවෙනවා. මෙහිදී ඇති වාසිය වන්නේ ලොව ඕනෑම රටක සිට හෝ ඕනෑම ස්ථානයක සිට මේ සේවාව ලබා ගත හැකිවීමයි. මේ නිසා Lockdown ප්‍රදේශවල සිටින පුද්ගලයන්ටද මෙය ප්‍රයෝජනවත් වේ.

COVID-19 දෙවන රැල්ලක් ගැන කතාවෙන මේ මොහොතේ කථන හා භාෂා අපහසුතා ඇති දරුවන්ගේ දෙමාපියන් බොහෝවිට දරුවන් speech therapy සදහා රැගෙන යාමට තරමක් සැලකිලිමත් වෙනවා. එක දිගට Speech therapy ලබාදීමේ වැදගත්කම පිළිබඳව නොදැනුවත්කම හා ඒ පිලිබදව අවබෝධය අඩුකම නිසා Online speech therapy සේවාව ලබාගැනීම මගහරිනවා. .

“අපෝ මේ ලමයා එක තැනක තියාගෙන ඉන්නේ කොහොමද ”

“Laptop එක දැම්මම youtube යනවා”

“අපේ ලමයාගේ severity එක ගොඩක් වැඩියි, ඒ නිසා මේක හරියන්නේ නැහැ” වගේ විවිධ දේවල් කියනවා.

නමුත් දෙමාපියන්වන ඔබ, දරුවාට යහපතක් කිරීමට නම් මේ දේ අනිවාර්යයෙන්ම උත්සාහ කල යුතුයි. මෙය Online speech therapy සදහාම පමණක් නොවේ, එදිනෙදා දිනචර්යාවටද අදාලවේ. එනම් තම දරුවාව නිවැරදිව හසුරුවා ගන්නේ කොහොමද කියන විදියත් ඔබට ඉගෙනගැනීමට පුලුවන්.

Speech therapy පටන් ගන්නවිටදී ඔබේ speech therapist ඔබට දරුවාට කරන ක්‍රියාකාරකම් හා සංකල්ප පිළිබඳව දැනුවත් කිරීමක් කරයි. මීට අමතරව නිවසේදීම ඔබට කල හැකි Free Speech therapy activities කිහිපයක් මීට පෙරදී අපි පලකලා එයත් මේ සමගම කියවන්න. එවිට ඔබ, දරුවා සහ කථන චිකිත්සකවරයා යන පාර්ශව තුනම එකතුවී එම කාර්යයන් කිරීම සුදුසුය.

මදක් සිතන්න… දරුවා නිවසට වී කුමක් හෝ නොකරනවාට වඩා මෙවැනි කාර්යයන් කිරීමේ වැදගත් කම.

ඔබටත් මෙම සේවාව ලබා ගැනීමට අවශ්‍යනම් අදම අපිව සම්බන්ධ කරගන්න.

Leave a Reply

Your email address will not be published. Required fields are marked *